كل وعد صادق هو وعد كاذب 😱 اتقل بس هفهمك: لو واحد دلوقتي قاعد مع خطيبته بيتكلموا، والجو رومانسي وكيوبيد بيلف حواليهم بالمطوة بتاعته وعمال يغزهم في قلوبهم😂. قام هو وسط الكلام قالها (أوعدك بعد الجواز هبطل تدخين) هو هنا صادق ولا كاذب؟ بص هو في الثانية دي غالباً كان صادق جداً نتيجة مشاعر الحب الغامر اللي جواه، يبقى هو كدة صادق وهيلتزم وهيبطل سجاير صح؟ لا غلط 😛 أصل يا باشا الوعد دة حصل نتيجة مشاعر عالية، المشاعر عمرها ما هتفضل عالية وغامرة كدة علطول، حتى لو حبهم استمرت وكانت علاقتهم ناجحة. لما المشاعر تهدا وتستقر، هيكتشف انه مثلا مش قادر يبطل تدخين. يعني بالبلدي أغلب الوعود الناتجة عن ضغط المشاعر (الحب - اللهفة ....إلخ) بيكون صاحب الوعد صادق، بس الوعد نفسه في أغلب الظن مش هيتنفذ.