السلام عليكم ورحمة الله وبركاته ( رد السلام له اجر)💛✅️ اعرفكم بنفسي .. انا أسمي منصور عبدالناصر ابراهيم عندي 24 سنة خريج كلية تجارة قسم محاسبه بتقدير جيد جداً. حالياً في الجيش . - شغال جرافيك ديزاينر خبرة تلات سنوات - كاتب محتوي ( كونتنت، كوبي ) ✅️ - هيد ميديا في نموذج محاكاه الاتحاد الأوروبي جامعة أسيوط - هيد ميديا في مشروع داعم للتمكين الاقتصادي التابع لوزارة التضامن الاجتماعي - متطوع في جمعية صناع الحياه من سنة 2019. - اتطوعت في جمعية رسالة سنه واحده - كنت ديزاينر في وحدة العلاقات العامة والإعلام بكلية التجارة - مؤسس كامب العلم والإيمان 😍 ----------------- اخدت مجموعة كورسات اونلاين علي منصات زي يوديمي ونفعم وتيرا كورسيز وكورسيرا وإدراك .. - كورس ريادة الأعمال - كورس contractions skills - كورس ic3 - كورس م اوفيس - محاسبة بالاكسيل - كورس أنجلش للمبتدئين - تنمية بشرية - كيفية إنشاء cv تدريب بنك مصر 2021 - 2022 تدريب بنك CIB 2021 التدريب المصرفي وفي كورسات تاني تخص الجرافيك والمونتاج .. -------------- قراءة السيرة النبوية لمحمد محمد الصلابي قراءة الداء والدواء قراءة لانك الله قراءة مكاشفة القلوب قراءة ما لايسع المسلم جهلة قراءة الاربعين النوويه قراءة خطة تسويقية في يوم واحد قراءة الكنز المفقود قراءة الرحيق المختوم ........................ سمعت سلسة لانك الله حازم شومان سمعت كذا سلسة لدكتور حازم وخاصة بتوع رمضان سمعت سلسلة علم النفس المهندس ايمن عبدالرحيم متابع بودكاست وعي ، ايه المشكلة ، متابع د أحمد عبدالمنعم ، متابع محمد الغليظ وبسمع البث بتاع كل أحد ياسر ممدوح بدأت ف كورس كتابة محتوي وانهيته الحمدلله. كورس أنجلش مع إبراهيم عادل بدأت أقرأ في كتاب المبادئ المحاسبية لكيسو وأسأل الله التوفيق والسداد. #أعرفكم_بنفسي

نفسك تعمل خطة تسويقية ومش عارف تبدأ ازاي؟🤔 جبتلك الحل. إقرأ البوست دا للأخر وانا بوعدك إنك هتكون قادر على عمل خطة محتوى تسويقي ناجحة، ومش بس كدا دانا هسبلك في أول كومنت، خطوات عمل الخطة يا سيدي. 💛😁 ويلا بينا نبدأ. بما إن التسويق بالمحتوى جزء أساسي من الخطة التسويقية لأي بيزنس أو براند يبقى محتاج تعرف إزاي تعملها وتطبقها صح علشان تضمن نجاحها. 👌 التسويق بالمحتوى له 3 محاور رئيسية لازم نعرفهم ونشتغل عليهم 👇 1️⃣ المنتج (Product): وده عبارة عن البراند أو الخدمة اللي بتقدمها من خلال المشروع بتاعك ومحتاج تسوق له، علشان كده لازم تحدد إيه المميز في المنتج ده يخلي العميل يفضله عن غيره وكمان وضع المنتج في السوق إيه ومين المنافسين ليك في المجال، وإيه الموارد الخاصة اللي عندك وهتساعدك في العملية التسويقية. 2️⃣ الجمهور المستهدف (Target audience): وده المقصود به مين الفئات اللي مهتمة بالبراند ومحتاجاه؟ ولازم تعرف اهتماماتهم ومشاكلهم أو ال pain points اللي المفروض البراند بتاعك هيحلها، ومش بس كده هتوضح إيه الفايدة اللي هتعود عليهم لما يستخدموه علشان كده في مقولة ذهبية بتوصف الكلام ده 👇 "Sell the problem you solve not the product" وطبعا علشان تحقق النقطة دي لازم تدرس عميلك صح. 3️⃣ المحور التالت بقى إيه الهدف من خطة المحتوى التسويقي (Objectives)؟ لازم تحدد عاوز إيه من الخطة دي بالظبط هل عاوز تزود الوعي بالعلامة التجارية بتاعتك والناس تعرفك أكتر، ولا عاوز تزود المبيعات وتحقق أرباح ولا تزود عدد المتابعين علشان تحقق انتشار أوسع. تحديد الهدف مهم لأن كل واحد منهم محتاج تكتب محتواه بأسلوب معين علشان يوصلك للنتيجة المطلوبة وطبعا ما تنساش مؤشرات الآداء (KPIS) اللي من خلالها هتعرف خطتك نجحت وحققت الهدف بتاعها ولا لأ. 👍 دلوقتي تقدر تشاركنا في التعليقات تصورك لخطة المحتوى التسويقي للبراند بتاعك أو أي مشروع اشتغلت عليه. ومتناس تطلب مراحل عمل الخطة. 💛 ولو شايف إنك استفدت شير البوست وفيد غيرك وخلي ليك أثر طيب يا جميل. 😊🔻 #منصور_عبدالناصر