💥لو أنا عايز أقاطع و عايز أدعم منتج بلدي أو أستخدم منتج من أي بلد تانية مابتدعمش دولة الاحتلال إزاي أعرف بدائل ال #مقاطعة ؟ 😇سمعت عن بدايلي؟ 🤔مين؟! 😇بدايييييلي ده موقع مصري بيوفرلك كل #بدائل_المقاطعة سواء كنت في مصر أو أي بلد تانية مش بس كده ده كمان بيوفرلك فرصة إنك تزود محتوى الموقع لو في بديل إنت تعرفه ومش موجود ع الموقع أو تطلب إضافة بديل لمنتج مش موجود ع الموقع يعني مع بدايلي إنت كسبان كسبان 🤔طب وأجيبه منين موقع بدايلي ؟ 😇إدخل ع اللينك ده توصل أسرع👇 عارف ليه؟ عشان #المنتج_مصري ☺️ https://badayli.com/eg-ar/

من أكتر الحاجات اللي بتحتاجها أي ست في الدنيا هي مستحضرات العناية بالبشرة ومستحضرات التجميل ومع بداية المقاطعة ستات كتير كان صعب عليها تبدل المنتجات اللي متعودة تستعملها لكن أغلب اللي مقاطعين كان لهم رأي تاني وإن مستحضرات شركة إيفا مستحضرات مصرية فيها أغلب المنتجات اللي ممكن تكون بدائل للمقاطعة شركة إيفا شركة من الشركات المصرية العريقة في مجالها أنشأها الصيدلى رياض أرمانيوس سنة ١٩١٧م وكانت البداية صيدلية واحدة بس ومن الصيدلية بدأ اسم دكتور رياض يكون مصدر ثقة للجميع ومع الوقت أنشأ دكتور رياض تاني شركة أدوية في مصر سنة ١٩٣٥ وكانت مختبر للتركيبات المميزة والمبتكرة ومن بعد دكتور رياض كمل دكتور منير أرمانيوس المسيرة وهنا ابتدت شركة إيفا ومن شركة واحدة بتوزع في مصر لشركة بتوزع في أكتر من ٢٠ دولة ومن المختبر البسيط لمركز منير أرمانيوس للأبحاث المعروف على مستوى الشرق الأوسط ومكاتب ومصانع في بلدان تانية كتير يا ترى لسه محتاج تثق في شركة إيڤا؟ إيڤا #المنتج_مصري

الفيديو ده في تقييم لبدائل مصرية لل #مقاطعة حاولوا تسمعوه

ولما نقول #مقاطعة يبقى لازم نتكلم عن #بدائل_المقاطعة وخصوصا لو #المنتج_مصري زي ما الصفحة دي بتعمل بالظبط👇 https://doblist.com/pages/Support_your_country

هل أخبركم بما يدمي القلوب؟ هذا هو رغيف الخبز في شمال غزة مصنوع من حبوب وأعلاف تم تنقيتها من مخلفات الحيوانات هل صدمكم الأمر؟ لكني سأصدمكم أكثر حتى هذا الرغيف أصبح نادر الوجود ألا زال أحدكم تراوده نفسه كي يتنازل عن سلاح ال #مقاطعة عزيزي الإنسان في كل أنحاء العالم إن كانت المقاطعة هي سلاحك الوحيد لا تتركه ف #غزة_تباد و #شمال_غزة_يموت_جوعا

لو كثافة الإعلانات في التليفزيون نستك إن المنتجات دي #مقاطعة خليني أفكرك إن في شمال غزة بينقوا بواقي الحبوب والأعلاف من مخلفات الحيوانات عشان يطحنوها ويعملوا منها رغيف خبز يسد جوعهم إفتكر إن المقاطعة هى سلاحك الوحيد عشان تساعد في وقف الإبادة الجماعية وسياسة التجويع ومنع وصول المساعدات وعلى فكرة إنت مش معاك سلاح واحد إنت معاك ٣ أسلحة قاطع اتكلم وسلاحك الأكبر هو الصلاة والدعاء الحرب ليها ١٠٠٠سلاح واللي بيحرك كل الأسلحة هو الإنسان ربنا اسمه الوكيل إعزم وتوكل قاوم بكل سلاح في إيدك ما تستصغرش فعلك و افتكر وانت بتدعي ربنا إن ربنا قادر يقول للشيء كن فيكون

الإعلان الساخر الخاص بالخيم طلع مش سخرية من التهجير في غزة ومع ذلك كنتاكي مش بريئة كنتاكي لسه بتدعم إسرائيل كنتاكي تستحق ال #مقاطعة إحنا مش أسفين يا كنتاكي

حبايبنا اللي وقفوا وقفة رجالة وخدوا قرار المقاطعة يا ترى لسه مقاطعين ولاا ؟ لو نسيت ال #مقاطعة الصورة دى هتفكرك 👇

لا تنسوا أهل #غزة بدعائكم فغزة لازالت تباد والعالم لازال يشاهد دون حركة حقيقية من الحكومات لوقف ما يحدث لازال المتصهينون يعصبون أعينهم دون إدانة المحتل استمروا بال #مقاطعة في سلاحنا الوحيد حتى الأن

#مساحة_حرة_للبوح أول مرة عرفت #دوبليست كان بعد الحرب على #غزة أول مرة جيت دوبليست كنت فعليا خارجة من فترة صمت طويل نتاج الأحداث فترة مليانة خوف ورعب وإحساس بامتهان كرامة كل عربي اللي حصل في غزة مستحيل أي إنسان يتخيله ولا حتى في أسوأ كوابيسه وجودي على دوبليست كان أشبه بحالة إفاقة وفرصة لوجود أمل فكرة #doblist في حد ذاتها كمنصة تواصل مصرية عربية كانت بالنسبة لي حلم جميل في وسط كابوس واسع بعيش وبنعيش ألمه كل يوم دوبليست أنعش جوايا الحياة فبدأت أدور إزاي أزرع جواه الزهور وأساعد باللي ممكن يكون جزء من أرض دوبليست فكرت إزاي أفيد غيري عملت صفحات متخصصة في الحاجات اللي بحبها #دوبليست_وثائقي #دوبليست_سينيما #كل_يوم_كتاب #قرأت_لك و عملت أكثر من هاشتاج زي #مصري #عربي #الجمال_لونه_مصري #مقاطعة #بدائل_المقاطعة #غزة #دوبليست_نيوز #صباح_السعادة دول كانوا بشكل أساسي وأكيد كان في هشتاجات فرعية كام ليها أهداف أخرى وعملت بالمشاركة مع أستاذي وأخي عوض العوابدة صفحة كنت بحلم تكون من أهم صفحات دوبليست #صوت_سيناء لكن فجأة توقفت وسامحوني إني توقفت أو بقيت موجودة بشكل جزئي صدقوني الواقع كان أمر من قدرتي ع التحمل حركة الإبادة الجماعية وقتل الأطفال والنساء وتشريد عائلات كاملة والاستهداف المستمر للمدنيين كان أكبر من قدرتي ع الاحتمال أهل #فلسطين مش أرقام أهل فلسطين روح ودم واللي بيحصل طغيان سافر على مرأي ومسمع من العالم أجمع شعوب كتير فهمت القضية وغيرت وجهة نظرها المقاطعة بقت على مستوى العالم مظاهرات بشكل مستمر في دول كتير ومع ذلك لا حياة في من تنادي الإبادة ظلت مستمرة تهجير من مكان لمكان لمكان مع عمليات إجرامية غير مسبوقة الأمر يتفاقم وها هو الدور قد وصل لخيام النازحين في رفح أكثر من ١٠٠شهيد حتى هذا الصباح بخلاف الجرحى بيوت دمرت وعائلات انتهت من الوجود لا أخفيكم سرا حاجتي الصراخ فاقت كل حد ذلك الضيق بصدري يكاد ينفجر من فرط الألم هناك أشياء لا تروى وهناك لحظات يخنقنا فيها الصمت لكنا بالأخير نحتاج لمن يستمع نحتاج لمن يشاركنا الألم فسامحوني إن كنت أشارككم ما يعتمل بصدري وأدرك أنكم مثلي تحتاجون إلى البوح أحيانا وربما الصراخ أختكم في الله إيمان وحيد