#تحميل_الفيديوهات #تطوير فكرة تحميل ملف أو تحميل فيديو ممكن تراود كتير مننا لو شايف إن الفيديو ده ممكن يفيد الغير لكن للأسف بتقابله العبارة اللي في الصورة دي 👇 و ده بيكون أحيانا محبط لصاحب الفيديو و بيخليه يقارن بين حجم الملف و مدته بين الحالة ع الواتس مثلا أو مدة ال story ع الفيسبوك و يستغرب و تبتدي الجملة تدور في ذهنه طب إزاي كده ؟ هنا تيجي الإجابة الحقيقة يا عزيزي إن كل شيء قابل للتطوير فيسبوك في بداياته أكيد ماكانش بنفس الصورة الموجود عليها حاليا بس اتطور مع الوقت وفقا لاحتياجات رواد المنصة و هنا هتسألني السؤال البديهي (جدا) _ طب أنا أعمل إيه دلوقتي ؟ أنا لا عارف أرفع فيديوهات لنفسي و لا فيديوهات ممكن تفيد غيري و مضطر أعمل مشاركة للفيديو مش تحميل هرد عليك و أقولك 👇 _ إعترض _نعم؟! _ أه و الله زي مابقولك كدهو _اعترض إدارة أي مكان في الدنيا حتى في بيتك نفسه (المدام لو إنت من جيرانا و الأستاذ لو انتي زي حالتي😁😁) مش هتعرف احتياجاتك غير لو انت قولت و اتكلمت فحوار "لو مهتم كنت عرفت لوحدك" ده مابيمشيش معانا هنا و لا في أي مكان تاني في الدنيا بصراحة دي عبارة تعجيزية اخترعتها أنثى بتدور على سبب للطلاق غالبا😁😁😁 لو مهتم👈اعترض قول أنا محتاج تطوير يخدم اهتماماتي المهم التطوير ده يكون هيفرق معاك و مع غيرك (ماهو المنصة مش خاتم سليمان بردو يا عزيزي😁😁) بس لو اهتميت و اعترضت و قولت إن التطوير الفولاني هيخلي منصتنا أحلى أكيد هتحقق أحلامك هنا😁😁 فلو انت مهتم ماتتكسفش اعترض😁😁😁😊😊