لو هنتكلم عن المسلسلات القديمة فالمسلسل ده لازم يجي في المقدمة ... المسلسل ده من وجهة نظري المسلسل الأفضل والأكثر تكاملاً في الدراما المصرية والمفضل بالنسبالي .. بناء الشخصيات والحبكة والنهاية والتمثيل والإخراج كله مفيهوش غلطة ❤️ وتقريبا المسلسل الوحيد اللي الخط الدرامي بتاعه مضعفش في الجزء الثاني بل بالعكس كمّل و احلو أكتر بظهور الشباب "نسرين وخالد زكي والأختين ماجدة وليلى حمادة، تحية الأنصاري ويسري مصطفى وإبراهيم يسري وعبلة كامل وعبد العزيز مخيون" عفاف شعيب أنا بعتبر ده دور عمرها .. محمود الجندي عمل دور الأب والإبن باقتدار وطلع بشكل محسسش المشاهد بنفور أو عدم تصديق .. يوسف شعبان تعملق في أداء شخصية حافظ رضوان، وإبراهيم يسري برز جدًا في شخصية هاني و قدم افضل ما عنده فالدور ده حتى تتر البداية والنهاية بصوت علي الحجار وكلام سيد حجاب كان عظيم، و يمكن ناس كتير ملاحظتش إن كان في كلام بيتغير بتغير الحكاية مسلسل الشهد والدموع ❤️❤️