طريق الألف ميل بيبتدي بخطوة
والطريق الصعب نهايته نجاح
ماحدش بيحس بالإنجاز إلا لو تعب فيه
اجتهد وحاول وصبر وحط جزء من روحه على طريق الحلم
فكرة إيجاد منصة مصرية عربية تنافس فيسبوك مش بس حلم لأ ده هدف
هدف عشان يتحقق محتاج صبر وتعاون وروح قادرة تبني كيان يقدر يحارب في مضمار مش سهل
من غير تعاوننا كرواد للمنصة
من غير صبرنا و اجتهادنا
الحلم ده مش هيتحقق
المنصة مش فرد
المنصة مجتمع كامل بكل أطيافه
كل فرد في المجتمع ده له أهداف و له اهتمامات
والاهتمامات و الأهداف دي أكيد مشتركة مع ناس تانية بذات المنصة
وده عشان يظهر بشكل ملموس لازم ندعمه و نطوره
إنك تقدم دعوات لناس خارج المنصة من دايرة أصدقاءك و معارفك ده دعم
إنك تطور دايرة أصدقاءك داخل المنصة و تديها جزء من وقتك بالمشاركة و قراءة المنشورات والتفاعل معاها ده دعم
إنك تكتب اقتراح بكل تطوير ممكن يساعد في نجاح المنصة ده دعم
إنك تدعوا قادة الرأي اللي داخل دايرة معارفك للانضمام للمنصة ده دعم
و مش دعم عادي كمان
تخيل لو جوه دايرة معارفك رياضي أو فنان أو كاتب أو واحد من أهل العلم و الدين أو رجل أعمال و نجم من نجوم المجتمع و الشخص ده سجل في المنصة و اتكلم عنها على واحد بس من حساباته في السوشيال ميديا
تخيل كام واحد من متابعين صفحته ممكن يبادر بالتسجيل في المنصة
إنك تدعوا أدمنز الجروبات اللي انت مشارك فيها لعمل جروبات بديلة داخل منصة #doblist بعيدا عن الفيسبوك و خوارزمياته و معاييره ده دعم
يمكن ناس تقبل
و يمكن ناس ترفض و تخاف من التجربة
فرصةال50% قبول تستحق المحاولة
أما ال50% رفض دول مش معناهم هزيمة
بالعكس
تسمع عن حاجة اسمها العميل المرتقب؟
في أي حملة إعلانية شركة الإعلانات بتصوب حملتها ناحية نوعين من العملا
عميل حالي عنده دافع لاستخدام المنتج و محتاجله و عميل تاني ممكن يستخدم نفس المنتج بس بعدين
حاجة كده زي خد فكرة و اشتري بكره
يعني في الحالتين كسبان
بس المهم يكون الحلم هدفك
ناس كتير دخلت هنا عشان المكان حر و آمن
ناس كتير دخلت هنا لأن أي مكان بيدعم الصهيونية يستحق المقاطعة
مش نستمر بعمل منشورات عليه و نزود التفاعل أكتر
مقاطعة يعني نقول بعلو الصوت أسفين
المنتج بتاعك مايلزمناش
مش هنساعدك بوجودنا و لا جهودنا و احنا عارفين أهدافك
لو قد الحلم احلم
لو قد الحلم إدعم
لو قد الحلم بادر
لو قد الحلم شارك ، اصبر ، و #اتحدى
إوعى تخون حلمك و تسيبه يقع في الأرض
عزيزي المواطن
#صباح_السعادة

عزيزي المواطن
#صباح_السعادة
كلمتين في حق المقاطعة
المقاطعة يعني إنك تقاطع منتجات كل الدول التي تدعم الكيان الصهيوني
واخد بالك انت من الجملة
كل الدول التي تدعم الكيان الصهيوني
باستخدامك البديل
سواء بقى البديل ده عربي و لا أجنبي مش مهم
المهم إنك تستخدم بديل جيد لأي دولة محترمة تعترف بوجود دولة فلسطين و تندد بكل ما قام أو يقوم أو سيقوم به المحتل الصهيوني
و لو استخدمت منتج بلدك فحبا و كرامة
و لو حسيت إن المنتج مش أحسن حاجة و ما بيحققلكش الإحساس بالرضا بشكل كافي ماتترددش بمراسلة الشركة المنتجة و تقديم شكوى من عيوب المنتج
المقاطعة سلاح
و دعم بلدك هدف
و استخدام منتج دول تندد بوجود الصهاينة و أفعالهم داخل أرض فلسطين المحتلة جزء من المقاطعة و شكر لدور الدول دي الداعم للقضية
و تاني مرة
عزيزي المواطن
#صباح_السعادة